#即时娱乐新闻##香港娱乐新闻##香港乐坛# 「环球出声明交代@陈慧娴Priscilla Gin Lee唔续约 网民错重点︰篇文啲中文好差..」
早前有报导,#环球唱片# 出现旗下歌手「逃亡潮」,效力40年嘅#陈慧娴# 盛传有意加盟#英皇娱乐# ,开拓内地市场;一手捧起嘅Gin Lee同AGA据知约满后都唔会续约。
寻晚环球唱片喺facebook刊登声明回应,确认陈慧娴同Gin Lee约满后离开。陈慧娴早前录好嘅专辑稍后会推出;而环球会配合Gin Lee新专辑宣传,并安排新班底参与,原定9月嘅红馆演唱会,基于係合约期外嘅工作,环球唔会再作投资。至于AGA,环球表示双方「合作协议已有进一步计划,包括有最新音乐专辑制作、香港红馆演唱会档期及各地巡迴演唱会」,似乎粉碎转会华纳嘅传言。

声明有过百网民留言,唔少人认为Gin Lee「逃出生天」,更有人话从呢篇声明嘅质素就知两位走得正确。的确,篇文随手都搵到奇怪之处,例如文末「此致」之后并冇对象称呼,反而係写环球唱片,即係出封声明俾自己睇?另外声明写道「环球唱片在此祝愿陈慧娴和@李幸倪GinLee 的新工作里程一切顺利」、「陈慧娴(Priscilla Chan)和#李幸倪# (Gin Lee)将会与本公司约满」都睇到人一头雾水。

其实年头环球炮轰商台唔支持旗下歌手嘅另一篇声明,遣词造句同样唔似大公司出品。内容写道「每个平台都有自己的机制準则,但环球唱片并没有杯葛商台的意思。近两年来商台不太喜欢环球唱片旗下歌手的作品,例如:AGA、Gin Lee、张学友及ONE PROMISE等等。环球唱片亦尊重商台的决定,因为他们推崇『专业推介』,重申一次并没有杯葛对方。现时香港仍存在不同媒体平台,环球唱片对此不感到担心,或觉得会造成重大损失。」,大家可以睇下有冇咩唔妥。

现时环球旗下女歌手唔多,唔计应该会续约嘅AGA,仲有跳唱歌手@Jace陈凯咏 、已解散乐队Dusty Bottle女主音Kerryta。而《全民造星3》亚军@陈苇璇Kira 据知签咗约但未公布。家庭为重嘅@陈慧琳-KellyChen@吴雨霏Kary 都係挂个名。
(来源:yahoo娱乐圈) http://t.cn/R2WxksT

更多娱乐新闻动态

全站最新消息

d