微博泰国 精选分类

综合 新闻 明星 娱乐 旅游 体育 搞笑 科技 学习

#即时娱乐新闻# #张家朗夺金##东京奥运#【访问张家朗被闹爆唔专业! @陈约临Kelly 原来喺大专教主持技巧..】
港队剑击手#张家朗#赢得金牌全城振奋,但係赛后TVB( @TVB官方微博 )主持#陈约临#(Kelly)访问张家朗嘅环节,就睇到唔少观众「热血沸腾」,闹佢问题无聊、打断张家朗发言,又大叫「我好钟意你呀,点算?」,表现唔够专业。
25岁嘅Kelly虽然年纪轻轻,但原来本身有唔少主持经验,甚至喺大专教主持技巧,点解今次咁失控?因为见到「家朗夺金真的很兴奋」?

喺上海出世嘅Kelly小学时期到香港生活,细个已经对幕前工作充满兴趣,参加社区中心嘅小主持训练计划﹕后来入读珠海学院新闻及传播系,不过佢入行唔係靠做主持,而係选美。2016年Kelly被睇中成为国际小姐香港代表,仲赢到亚洲皇后殊荣。后来佢签约TVB,主要係做主持,参与过唔少体育节目,2018年平昌冬奥佢都有份。近年就多数主持时尚同旅游节目。

电视以外,陈约临仲主持港台节目《打开世界》,5年电视台同电台经验令佢获母校珠海学院邀请,担任兼职讲师教导主持技巧。Kelly喺学校宣传片段提到,喺课堂上佢同同学讨论过点样执生等临场访问技巧。今次事件之后,相信Kelly都有更多经验可以同同学分享嘞。

(yahoo娱乐圈)

更多娱乐新闻动态

全站最新消息

d